本年最大的笑話:房協捉虫 報錯消防

IMG_1603

人心虛,人鬼祟,真是沒救的,周一(七月十三日)房協如臨大敵地收樓,其實黃生早表示,不想義工及街坊被抬走,不想有暴力事件,支援行動相當溫和,早上幾十人只靜坐在黃生旁邊,跟他一起渡過最後在福榮街的美好時光。很多舊街坊都有來,也有不相識的年輕人。

房協卻是小人之心,以為我們會怎樣,早上八時多,先從後門爬入,因為前門被黃生的花牌頂著,其實內裡可通往旁邊車房,自由出入,但房協員工以為給鎖死,以為有人要玩野,報消防,報999,大批記者風聞而來,十五分鐘後,消防知道玩野的其實是房協,根本沒有事情,收隊可有。十多位後門爬入屋的的房協大軍卻又不馬上出來,面子猶關罷,來了的傳媒,既看不到衝突場面,反把視線聚焦在一個個低頭背向正門樓的房協員工。他們不知何解要在內乾蒸一個早上。大家都為他們難過,又沒有水飲,又沒有洗手間,大家都笑說希望職工盟的朋友可以跟進一下。差不多,下午一時,神秘的行動終於完成,一個個保安及執達吏忽然又從 後門出現。鬼祟計劃終於完成。

說真的,也替黃生舒一氣,見他一晚的煎熬,擔心聲援的朋友安全,加上情緒的波動,被人不停抹黑(房協的新聞稿竟違反保密守則,披露談判細則,也作大說他貪錢、要求幾倍的巨額賠償,手法之卑劣叫人髮恥),整個人落了型。但謊話製造機器的房協卻成為最大的小丑,今天很多份報紙都有提及,蘋果的李八方最抵死:

蘋果日報
A17 |
專欄專論 | 隔牆有耳 |  By 李八方 2009-07-14

隔牆有耳:房協濫打999

政 府成日叫人唔好亂打999,電視廣告更教大家唔好濫用消防同救護服務,否則隨時阻延救援真正需要緊急服務嘅市民。人命攸關,可大可小,連消防處一哥盧振雄 都講過,曾經有市民被蚊咬、便秘都call白車,反映濫用白車情況嚴重。但勢估唔到,今時今日重建收樓都要call消防call白車。邊個咁玩嘢?之唔係 噚日搞掂咗深水埗K2023項目最後一個重建戶嘅香港房屋協會囉。呢個重建項目,剩番福榮街494號一樓閣仔舖嘅新忠花店老闆黃乃忠死守到最後。噚日到期收樓,當局自然唔手軟,前晚經已有大批便衣到場踩線,房協保安又一早徵用咗花店隔籬原來係車房嘅地舖,做臨時保安中心,派兵駐守,確保萬無一失。

前門反鎖疑被困

到 噚日朝,大批房協職員同保安一早駕臨。九點未到,幾部火燭車同白車仲好大陣仗咁到場,幾個消防員落車,有位仲拎住把大鉸剪。現場嘅記者初時以為,消防員係 嚟破門,幫房協收樓,救護員就係以防有人受傷,到場戒備。點知佢哋留咗大約15分鐘,就拉隊走人,有位幾分似王喜嘅消防員哥哥仲打手機,大意問電話另一邊 嘅人:「係咪你哋call消防?o依家冇事喇嘛?」八方後來問番消防處同房協。原來,黃生同一班嚟聲援佢嘅街坊同義工,用花牌封住個正門鐵閘,坐喺條街度 抗議。但你有花牌陣,我有後門捐,房協一早已經搵人喺隔籬舖位循後樓梯上去天台,再落番新忠個舖位收樓。據消防處發言人講,當時喺舊樓入面嘅房協職員打返 公司,話下面前門被人鎖咗,於是房協總部就報警,話懷疑職員被困。消防話,朝早845分奉召到場,但到場後發現,隔籬舖個閘一推就開,入面嘅房協職員亦 根本可以從後門自由出入,唔存在反鎖問題,惟有收隊走人。事件列作「一場誤會」。房協發言人就話,確係有同事call過消防,不過最後證實冇事。大家千祈 唔好睇小呢個「誤會」。房協係咁意一個電話,消防處就派五部車嚟做雷霆救兵,升降台、細搶、電單車、白車全部出齊。八方建議,下次政府拍宣傳片,可以考慮 用今次事件嚟做實例,教人唔好濫用消防救護服務。

收樓原來是件鬼祟的事

收樓原來是件鬼祟的事

房協員工為背對傳媒呆站樓梯--為何不自己走出來?

房協員工為背對傳媒呆站樓梯--為何不自己走出來?

從後門走出來龐大隊伍

從後門走出來龐大隊伍

標籤:, ,

About cally

don't be cruel. smell the light. read the music. feel the green.

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: